Si Omar Khalid usa sa mga bag-ong tingog sa kapanulatang Binisayang Sinugboanon. Editor siya kanhi sa mga balita sa usa ka gamayng estasyon sa radyo sa Cebu sulod sa pito ka tuig. Mag-uuma ug mananagat ang kagikang tribu ug sila maoy numero uno niyang damadapig. Mibakyaw sa dagang niadtong 1999 diin maoy tuig nga unang napatik ang iyang sugilanon pahinungod sa paborito niyang irong kalgason (mahalangit unta ang iyang kalag!). Ang una niyang punpon sa mga sugilanon mabasa sa librong "Khaliedoskopyo".

Sukad sa 2001, nahimo siyang sakop sa kapangulohan sa magasing Bisaya hangtod karon. Editor siya sa "Budaya", usa ka katitikanhong diurnal; Presidente sa Dagang Foundation Inc.-Luzon Chapter, usa ka organisasyon sa mga magsusulat; ug opisyal sa Lunsayng Bisaya Inc.

Ang una niyang sinulat nga nahalin mao ang iyang badlis-badlis sa papel sa greyd wan nga nahandred; gipalit sa iyang Lola Perping og diyes sentabos. Ang una niyang kasinatian sa eksploytasyon isip usa ka magsusulat mao kadtong gibayran lang siyag balikutsa sa kasaring sa hayskol human niya masuwat ang usa ka lableter. Ang una niyang trahedya isip magsusulat mao tong nasakpan siyang nagbandal sa kasilyas sa prinsipal (tsilgrin ar nat alawd to tray dis at hom wit-awt adult superbisyon).

Nakapahilak og babaye. Mihilak pod tungod sa babaye. Pero karon, gihimong tawo sa tulo ka babaye sa iyang kinabuhi: iyang asawa Lorena, ug mga anak Yenyen ug Shaay.

Works

• And Dahon Sa Kahoy
• Dayaspora
• Ang Tawo nga Nakita Sa Kasingkasing sa Habagat