Nagkinabuhi  man kita pinaagi sa atong pagtuo ug dili pinaagi sa atong makita.
-2 Corinto 5:7

Kita nga nagsunod kang Cristo kinahanglan mobuhat niini pinaagi sa pagtuo. Usa kini ka panaw nga kinahanglan tahakon ta sa inanay.
    Sama kini sa nagbaktas sa hagip-ot nga agianan sa kilid sa bukid nga  dili makakita sa unahan. Usahay may timaan ang dalan. Usahay usab kalit lamang kining moliko sa tuo o sa wala, mahimong gansangon o lapokon,  tug-bongon o tungason. Apan kinahanglan siyang mopadayon sa unahan.
   Apan dli ingon niini nga paglatas sa bukid ang atong paglakaw diha sa espiritu.Diha sa pagtuo ta kang Cristo,  makapadayon kita sa unahan uban sa kasigurohan nga kita moabot gayod sa atong paingnan.
    Gipadal-an akog balak  sa akong higala nga  mohulagway sa atong paglakaw diha sa pagtuo:

Unsa ang kaluwasan?
Ang kaluwasan mao ang pagkatubos gikan sa silot, kahugaw, ug gahom sa sala. Sa gihapon, mas mahinungdanon kini kay sa paglingkawas sa sunog,kaulaw,sakit,kakabos,o kasubo.

Unsa ang sala?
Ang sala mao ang bisag unsang hunahuna, pulong, o buhat nga nakalapas o wala mahisubay sa hingpit sa balaan nga balaod sa Dios (Rom. 3:23).

Unsay nabuhat sa Dios mahitungod niini?
Siya nagpakatawo diha kang Jesu-Cristo, nagkinabuhi nga walay sala aron pagtuman sa gipangayo sa katarong sa Dios, namatay sa krus aron pagbayad sa silot sa atong mga sala, ug nabanhaw sa lubong aron pagbuntog sa gahom sa kamatayon ug ni Satanas. “Gipakita sa Dios kanato ang gidak-on sa iyang paghigugma kanato, kay sa makasasala pa kita nagpakamatay si Cristo alang kanato” (Roma. 5:8).

Kinsay gipakamatyan ni Cristo?
Si Cristo namatay alang sa mga tawo nga walay ikahatag Kaniya kondili kasubo ug kaalaot. Nagpakamatay Siya alang sa mga wala makatuman sa sukaranon nilang katuyoan sa pag-ila Kaniya, pagpasidungog Kaniya, ug papakig-uban Kaniya hangtod sa hangtod (Juan 1:1-12; 3:16-19).

Unsaon ta pag-angkon sa kaluwasan?
Ang kaluwasan gihatag sa tanang motuo kang Jesus. Dili kini maangkon pinaagi sa naghingaping kasibot sa pagbuhat ug maayo, ni sa hingpit nga pagsunod sa mga ritwal sa relihiyon. Ang kaluwasan wala mag-agad sa atong paningkamot, kondili sa pagsalig sa gibuhat sa Dios alang kanato. Ang Iya lamang gipangayo mao ang atong personal nga pagsalig kang Cristo. Ang tanan nga matinuorong nagtinguha sa kaluwasan ug midawat kang Cristo dili gayod isalikway. Si Jesus miingon, “Ang motuo may kinabuhing walay kataposan” (Juan 6:47).

___________________________________________________
Gikutlo gikan sa polyeto nga giulohag What We Believe (Q0405).
@1996 RBC Ministries,Grand Rapids,MI49555-0001

*  Richard W. De Haan, anak  ni M. R. De Haan, M.D., ang nagtukod  sa Radio Bible Class (RBC); kanhi presidente sa RBC ug magtutudlo sa mga programa sa RBC sa radyo ug telibisyon  sa wala pa siya magdaot. Kanunay gipatik sa Atong Kalan-on sa Adlaw-Adlaw ang mga sinulat niya kanhi.
*  Martin R. De Haan II, panganay nga anak ni Richard De Haan ug presidente sa RBC Ministry. Nagsulat siya  alang sa mga publikasyon sa RBC ug nagtudlo sa radyo ug telibisyon.
*  Dennis J. De Haan, pag-umangkon ni Dr. M. R. De Haan. Nag-alagad isip editor sa Atong Kalan-on sa Adlaw-adlaw hangtod niadtong Hunyo 1995. Dili na siya kanunay sa opisina, apan siya ang tinugyanan sa RBC Ministries ngadto sa mga komperensya ug sa mga kaiglesiahan.
*  Haddon W. Robinson, luyoluyong pastor ug propesor kanhi sa Seminaryo sa Teolohiya sa Dallas, ug presidente sa Seminaryo sa Denver. Nagtudlo siya karon sa Seminaryo sa Gordon-Conwell  sa Massachusetts. Siya usab ang nangulo sa Adlaw-adlaw nga Pagtuon sa Biblia sa Kahanginan.
*  Joanie E. Yoder, ang tagsulat sa libro nga giulohag Finding the God-dependent Life (Discovery House Publishers). Sa wala pa siya mabalo niadtong 1982, si Joanie ug ang iyang bana nagtukod ug Cristohanong asilo alang sa mga naadik sa druga didto sa England.
*  Herbert Vander Lugt, pangulong editor sa panuhid sa RBC Ministries; ang tigsulat sa han-ay sa mga polyeto nga gitawag ug Discovery Series ug tigsuhid sa tanang hulad sa pagpamalandong ug pagtuon. Si Herb nag-alagad isip pastor sa unom ka iglesia ug naghupot sa posisyon isip interim  nga pastor sulod sa tulo ka panahon.
*  David C. MacCasland, nagkinaugalingong magsusulat. Kini ang mga libro nga iyang nasulat: Oswald Chambers: Abandoned to God, ug Pinstripe Parables (Discovery House Pub).Gihugpong niya ang mga sinulat ni Oswald Chambers.
*  Vernon C. Grounds, batid sa pagwali, pagtudlo, ug pagsulat. Kansilyer siya sa Seminaryo sa Denver, tigtambag, ug membro sa Hunta sa mga Direktor sa RBC Ministries.
*  David C. Egner, ang tagdumalang editor sa Campus Journal, ang inadlaw nga giya sa pagpamalandong alang sa mga batan-on sa hayskul ug kolehiyo. Nakasulat na siyag mga polyeto ug mga hulad alang sa lainlaing mantalaan.
*  J. David Branon, ang tagdumalang editor sa mantalaang Sports Spectrum (Discovery House Pub.). Nagsulat usab siya alang sa Campus Journal. Nakasulat na siyag 8 ka libro.
*  Ang Atong Kalan-on sa Adlaw-Adlaw  nagpatik panagsa sa mga sinulat nila ni  Dr. M.R. De Haan ug Henry Bosch gikan sa among arkibo. Sila ang nagsugod niini nga giya sa pagpamalandong niadtong tuig 1956.

Kon mobalik ka sa imong trabaho karon human sa bakasyon sa Pasko, unsa may dalhon mo? Pipila ka mga gasa ug mga malipayong handomanan sa Pasko, o lain pang mga butang?
  Nagustohan ko kini nga pagkabatbat sa Lucas 2:20 --”Ug namalik ang mga magbalantay nga nag-awit ug mga pagdayeg sa Dios tungod sa tanan nga ilang nadungog ug nakita, sumala gayod sa gisugilon kanila sa mga anghel.”
   Human madungog ang pagmantala sa anghel sa pagkatawo sa Mesias, human mobisita sa Belen diin ilang nakita ang bata nga naghigda sa pasungan, human nila ipanugilon sa katawhan ang mga kahibulongang butang nga ilang nadungog labot niining bataa --human niining tanan, ang mga magbalantay sa karnero mibalik sa ilang mga karnero ug mibuhat sa naandan nilang buluhaton.
     Apan mibalik sila gikan niadtong una nga Pasko uban sa usa ka kabag-ohan --ang kasingkasing nga napuno sa pagdayeg tungod sa ilang nasaksihan. Mao ra gihapon ang ilang kahimtang, apan adunay kabag-ohan sa ilang pagkatawo --kay nahimamat nila ang Cristo nga Ginoo.
  Nahimamat mo ba si Cristo niining Paskoha? Mahimong nahimamat mo Siya diha sa Iyang Pulong o sa bag-ong panlantaw labot sa Iyang pag-anhi? Kon pangutan-on ka, ‘Kumusta ang imong Pasko?” unsa may itubag mo? Uban kang Cristo sa imong kasingkasing, makabalik ka sa trabaho nga may kamaya ug tinguha sa pagpakig-ambit sa uban sa himaya ug pagdayeg sa Dios tungod sa tanan nimo nga nadungog ug nakita. -  DCM